遊記簡報 (原文在FB 2010年2月19日發佈)

DAY 1

 

8點早機去東京, 好正, 入境有特快通道 (因為我地用BB車推住囡囡), 取行李後買JR 4-DAY FLEXIBLE PASS, 再訂車票, 居然搭到13:45的N'EX去東京! (勁快) 之後轉新幹線上仙台, 在仙台行左一陣, 食左好好味的利久牛舌, 厚身果種好正! 七點幾坐新幹線去盛岡, 住東橫。 

DAY 2

在盛岡租車, 先去AEON MALL的JUSCO買大量食物、飲品和用品, 跟住駕車去連泊兩晚的獨立小屋"CRESSON"。此小屋PENSION好正, 兩大一小素泊價9010YEN一晚, 有廚房可煮食, 有洗衣機任用, 駕車去小岩井農場唔駛10分鐘。放好食物入雪櫃後, 去小岩井, 在場內餐廳食LUNCH, 然後俾囡囡玩雪兜, 玩左一個幾鐘佢都唔厭唔倦。玩到天黑就返小屋, DIY SHABU SHABU! 

DAY 3

早上去玩自製盛岡冷麵, 中午去番AEON MALL食壽司, 同埋在COMME CA買到幾件三折的衫! 傍晚又去番小岩井, 食燒肉SET, 睇埋花火大會, 就返小屋休息! 

DAY 4

返盛岡還車, 轉新幹線上八戶, 去八食市場食左幾千YEN海鮮BBQ和刺身, 推介鮑魚刺身 (千幾至二千YEN有原隻)! 之後回仙台, CHECK IN後, 搭車去OUTLET, 買左幾條褲等, 晚餐在OUTLET食壽司! 

DAY 5

去果園摘士多啤梨, 好清甜, 食得好開心! (大人1500YEN, 囡囡未足4歲免費, 果園離仙台約40分鐘JR, 另外轉TAXI約2分鐘) 返仙台取回行李便去米沢, 住東橫, 睇米沢雪祭, 好凍, 好靚! 晚餐食左二千YEN有找的米澤牛飯SET, 好淋的牛肉, 好香肉味! 

DAY 6

在米沢東橫直結的MAZDA租車, 上山形藏王, 約下午一點乘吊車上山, 然後在山頂的餐廳食晏, 影下相, 食埋TEA, 等到傍晚睇埋樹冰的LIGHT UP! 超靚, 好值得睇! (吊車來回一次要2500YEN, 為慳車錢, 日間上左去, 坐到傍晚, 是最抵的方法) 呢一晚住藏王四季, 房間好大, 溫泉唔錯, 食物一般! 

DAY 7

返山形還車, 乘三小時JR回東京, 在新橋站下車, 住汐留。酒店有點遠 (由新橋要行6分鐘), 但房間好大, 一晚只係10XXX YEN, 包簡單早餐! 午餐在酒店附近食大戶屋, 之後去銀座行街, 晚餐在有樂町食壽司放題, 4189YEN一個人, 款式多, 新鮮度一般, 算是抵食, 但不算好好食! 

DAY 8

早上去築地食魚生丼, 1800YEN一碗海膽併魚子, 正! 之後去上野, 行街, 中午食一蘭, 下午去動物園, 由兩點幾行到差唔多五點, 好值得去! 之後買手信, 晚餐係行去御徒町, 食十勝豚丼! 幾好味! 

DAY 9

去池袋, 老公買左新DC, 係CANON, HK呢邊的型號叫IXUS 200, 百X匯行貨價HKD2700, 我地買係24XXX YEN, 扣除POINT CARD回贈, 折合約HKD 1900! 午餐係博多一風堂! 我地中意一風堂多過一蘭! 之後就去機場了! 本來18:35起飛, 但機件有事, 坐了在機上約一個多小時, 19:45才起飛, 返到HK已經午夜12點幾.....