小禧學校今日生日會，著便服。
...
小禧：我要著牛牛褲....
Miss K：都話係牛仔褲，唔係牛牛褲....
禧 (自說自話, 啋你都傻)：媽mi，你都著緊牛牛褲！
晚飯時......
每天帶飯盒返工的爸B向Miss K投訴說：個工人都唔知點搞！我個飯盒個底，日日都好肥！！！
小禧聽見，一本正經望着爸B，說：你都唔肥！
小禧唸的全日班，4:30後可以接放學，最遲6:00接，期間老師會安排活動。
今天接放學時，Miss K在課室門的小窗偷看小禧，看見老師在講故事，小朋友在圍圈坐，然後......看見小禧打呵欠！
接小禧後，Miss K問：你頭先打「喊路」呀？
禧：冇呀！我今日冇喊呀！
小朋友，你知唔知乜嘢係打喊路?
